情人節將到，要為女友準備一份有心意有份量嘅禮物，絕對考起全世界的男人；而女生要買禮物畀男朋友，同樣要花大量腦力去思考！由編輯為你整理，2021 情人節禮物提案，由心思手作到實用禮物都有，男女朋友適合的禮物都為你準備好，對銀包絕對不大負擔！
2021 情人節禮物精選
送畀女友：實用類
01｜AirPods Pro
最實用當然是買耳機、手機等等，或者你女朋友仍然用緊舊版 AirPods，趁依家 AirPods Pro 價錢有回落，當成情人節禮物送上確是不錯。雖然官網價錢仍然落於 HK$1,999，但不少電器舖已經減價至 HK$1,600 左右，非常划算。
02｜風筒
風筒基本上是女生每日一定要用到的物品，好用嘅風筒可以減低對頭髮的損傷，而且風力夠強的話，亦能加快吹乾頭髮的速度。預算較低的男孩子可選 Panasonic Naneo 風筒，如果想高級一點，當然是 Dyson 強力風筒，女朋友收到一定心花怒放呢！
03｜直髮夾
一支直髮夾，無論用嚟做直髮定曲髮造型都可以！而且好嘅直髮夾，唔使夾到女朋友頭髮傷哂，編輯推薦 Amika、ghd 等大牌子，如果喺 amika 買滿 HK$2,500，仲會送半年 set 頭會籍（記住填番女友個名），以後女朋友都可以靚靚咁同你出街啦。
04｜香水
雖然香水係好個人嘅物品，但如果你送一支高級而味道又正常嘅香水，就完全唔同講法。編輯推介 CHANEL N°5、Jo Malone 等香水牌子，女生未切鍾意太濃烈嘅味道，如果揀一支你鍾意而唔太濃嘅香水，相信女朋友每次外出都會樂意噴呢支香水！
05｜手袋
女人嘅手袋從來都唔怕多，如果買唔起 Chanel、Hermes、Gucci 等大牌子，Charles & Keith、Furla、Coach 等牌子都是為你銀包減輕負擔的選擇。想知女友鍾意咩類型手袋，可以參考佢平時嘅衣著，揀番唔同尺寸、唔同顏色嘅袋，千祈唔好以為愈大個袋愈划算，反而要顧及平時女友出街會帶嘅物品嘅數量而買啊！
06｜唇膏
過去一年要日日戴口罩，或者好少見到女朋友塗唇膏，但買唇膏係無論任何日子都係女人會做嘅事。男孩子要買唇膏畀女朋友，唔好以為紅色得一個色系，而一味買淺粉紅色、桃紅色等等，紫色、啡色等都未必個個女仔能夠承受。今年大熱豆沙紅色、楓紅色等低調色系，買 Bobbi Brown、MAC 等豆沙紅色就唔會出錯。
送畀女友：心意類
07｜訂製情侶手機殼
Casetify 的手提電話殼自實體店開幕後，就有不少香港人為此品牌而著迷。有得自己設計心水手機殼，亦可以同女朋友一人一個獨一無二嘅 case！連 iphone 7 嘅手機殼都有，絕對能夠照顧哂所有人嘅手提電話。
08｜自製爉燭
如果落手做情人節禮物顯得更有心思，自製蠟燭或者擴香石都是不錯之選。坊間仍有不少課程開班，趁著未到情人節，立即請一日假期去製作一份獨一無二的禮物。
09｜永生花
買鮮花不太實際，反倒是永生花更能代表永恆不變的愛。永生花同樣相對環保，又可以令花束更多元化；如果已經訂購了鮮花，不妨讓女朋友將某啲花束收起，待將來一同製作永生花裝飾，更是環保呢！
送畀男友：實用類
男生多數偏好實用類物品，如果本身男朋友已經心目中有想要嘅物品，不妨直接出擊購買，好過整一大輪心意情人節禮物得不到男朋友嘅歡心。
01｜波鞋
大部份男生都會為了波鞋而著迷，而今年大熱的波鞋就有 New Balance 327 系列，保守少少買 Nike、adidas 等都絕對不會出錯，如果男朋友追求潮牌的話，可以選擇 off-white、Balenciaga 的球鞋。
02｜家用喇叭
買喇叭同樣是穩陣之選，以 Home Pod Mini 就平價又易入手，如果預算較多，亦可以選擇 Marshall、JBL 等家用喇叭，由千幾蚊到幾千蚊嘅款式都有，當然是因應款式及大小而定。
03｜咖啡機
家用咖啡機愈出愈多，而且 Work From Home 日子多，難免工作時會想飲杯咖啡！最普遍嘅家用咖啡機一定係 Nespresso，而百年咖啡機老牌 De’Longhi 都推出為數不少的輕便咖啡機，千多元就買得到！不過買之前一定要留意男朋友家中位置是否足夠，畢竟咖啡機佔位不少。
04｜遊戲機
2021 大熱遊戲機仍然非 PS5 莫屬！不過仍然一機難求的 PS5，要購買的話大可能要食炒價，不過 PS5 可以玩嘅遊戲比較少；另外 Xbox 以及 Switch 都係不錯之選。
05｜手錶
手錶好大程度反映個人品味，如果想買手錶畀男朋友，實用性居多可選 Apple Watch 等，而買名牌當然以勞力士（要買到一隻 ROLEX 同買 HERMES 一樣要配貨 ！）最保值，RADO、LONGINES 嘅價錢則無 ROLEX 般貴，但同屬中階名牌手錶（入門價約 $15,000）。不過手錶較貼身，除非男友真係好想要一隻手錶而你又能負擔。
06｜銀包
而買銀包同樣係不錯之選！畢竟銀包的入門價比起手錶來得低，以 BOTTEGA VENETA 為例，銀包入門價約 $4,400，禮物有份量之餘又有體面。其他品牌如 LV、GUCCI 等價錢相約。如果男朋友不介意品牌，即使手製一個全皮銀包都非常有心思！
