通常去旅行一落機，都會望下個天，總係覺得外國嘅天空特別藍，特別靚，求其影張相都可以扮下嘢，po上Instagram／facebook呃下like。對於識影相嘅你，Magic Hour應該唔會覺得陌生，咁你有冇聽過Golden Hour同Blue Hour﹖
其實Golden Hour等同Magic Hour，意指日出及日落時因太陽稍高於地平線，距離較遠，令直射到大氣層嘅陽光較弱，因而比烈日當空時陽光較柔和以及藍光渙散，形成偏紅嘅景象，適合影雲彩及日落。
Blue Hour就指暮光時份，即日出及日落後太陽低於地平線時，光線中嘅紅光穿透大氣層，而藍光散射形成天空一片湛藍，較適合影月亮。
×××× 推薦拍攝地點：台中高美濕地××××
高美濕地最佳拍攝時間：日落時間約6時，可參考台灣氣象局，建議於日落前一小時到達。
拍攝小tips：搵一個水流較小嘅地方set好腳架，開啟手動對焦，對焦環轉至無限遠，咁就可以慢慢欣賞夕陽啦！
記得記得，Golden Hour 拍攝時間比Blue Hour 短，所以要提早到，霸定個靚位，就萬無一失啦！
如果你啱啱成為攝影達人，需要拎住貴重器材去旅行影靚相，你又清唔清楚旅遊保險嘅保障範圍呢？
原來一般旅遊保險係未必保障到你嘅器材，揀選時要特別留意受保項目嘅條款細則，仲要睇清楚賠償上限。假如唔好彩俾人偷咗，就要係24小時內去當地警局報案，並取得報案紙，同時都要保留購買器材嘅單據，方便呈交索償，咁就萬無一失啦！
