今次去大阪旅行其實內心真係好掙扎，究竟帶唔帶小B 去好呢？
我諗好多新手媽媽一樣好似我咁矛盾，每日餵奶換片嘅無限輪迴真係好攰好攰，但係一睇到佢望住你笑同乖乖地瞓著覺個豬樣就覺得點辛苦都係值得。
今次旅行係小B 嘅老豆提出，佢知道我呢幾個月好辛苦（當然佢都好幫得手啦，我咁有眼光～），話不如我哋一齊去個短trip 透吓氣。小B 就交俾一星期都會嚟幫手湊三日孫嘅奶奶照顧。
呢個簡直係新手爸媽嘅人生交叉點。我諗咗幾日，都係唔捨得，最尾同老公講：不如帶埋阿B 去～ 佢嗰刻哭笑不得嘅表情真係好好笑！佢話提議去旅行係畀我唞，我依家咁做簡直攬屎上身，係小B 嘅屎（笑）～
我話我知道小B 仲未體驗到旅行樂趣，但又唔捨得留低佢喺香港，去旅行去到心掛掛，不如唔好去。老公最尾都同意我諗法，佢話既然要湊B，轉換下環境湊都係作為阿爸阿媽幾好嘅體驗。所以，我哋最後都係的起心肝帶住佢一齊出發！
出遊之前我哋梗係做足資料搜集啦，我哋發現原來大阪都有幾多BB 友善酒店。一家大細揀酒店，我通常睇三樣嘢：係咪機場直達、近唔近車站，同有冇BB床。
機場直達嘅話首選難波區，可以一落機搭南海電鐵直達，而火車始終寬敞過巴士吖嘛。區內有高島屋百貨／0101丸井百貨、心齋橋商店街、道頓堀等等路面平坦、少樓梯同有????嘅景點，推住BB 車周圍去都咁方便。
我哋搵到三間值得推薦嘅BB 友善酒店：
推介一：大阪南海瑞士飯店 Swissotel Nankai Osaka
大集團酒店，免費提供BB 床。位於南海電鐵難波站上蓋，由機場搭南海電鐵直達，唔使驚帶住BB 嗰陣天有不測之風雲。
推介二：大阪輝盛庭國際公寓 Fraser Residence Nankai Osaka
行5分鐘就到南海電鐵難波站。Service apartment 設計，所有房間都有小廚房，電磁爐、微波爐、廚具和餐具齊全，超適合要自備嬰兒餐嘅爸媽。仲有洗衣機，BB 整污糟衫都可以輕鬆洗滌。
推介三：大阪難波東方酒店 Namba Oriental Hotel
南海難波站行8分鐘，附近有南海通商店街、千日前商店街。提供免費外借BB 車，咁就唔使帶埋車上機啦！
我哋最尾揀咗大阪輝盛庭國際公寓，貪佢有埋小廚房可以多個位清潔小B 用品同煮簡單蔬菜。小B 嘅行裝已經霸佔咗成件行李，我同老公只可以輕裝上陣，所以有洗衣機真係好重要。貴少少都值得，最緊要方便，可以爭取時間休息！
揀酒店之餘，我同老公仲總結咗幾點重要貼士
衝上雲霄：
嬰兒機票通常係成人正價票嘅 10%，記住訂位個陣就要訂埋㗎啦。BB 細啲嘅，飛機上安全帶指示燈熄咗就可以使用電子泵奶器，飛機多數唔會幫你加熱或者冷藏BB 食用品。如果要加熱，可以問佢哋攞熱水。
預先搜尋鄰近醫療服務：
搜尋區內醫院診所，pin 喺google map，仲要留意佢哋週末假期同夜晚嘅開放時間。知道埋佢哋識講英文就最好喇。
買保險：
BB 唔適應機艙環境或當地天氣都可能會引致身體不適，而外國人喺日本睇醫生都幾貴。另外，帶住BB 一袋二袋，好多家長都試過唔見嘢。所以買保險嘅時候，你可以特別留意保單門診同返港覆診費嘅最高賠償額、住院現金津貼同個人財物遺失賠償上限。
我哋第一次買包埋BB 嘅保險，做咗啲research 後，覺得YAS 保得最全面。其實佢唔止係保險咁簡單，仲有好多附加服務，詳情可以去呢度 [LINK]自己睇，推薦！
