生蝦刺身、生蠔、果汁、街頭小食……去旅行梗係想食盡當地美食，但每個國家衛生情況有所不同，飲食習慣差異，加上又會有水土不服風險，真係好易會食物中毒。尤其我腸胃比較敏感，所以之前去印度除咗做足防疫準備，都有做定資料搜集，邊種食物要避免，點知最後都喺攬住廁所去旅行。
早已聽聞印度水質差，原來印度自來水質素喺全球122個國家入面排120，可想言之，水質污染嘅程度喺有幾高。因為一早做晒research，去到當地都一定唔會飲任何嘅自來水，我哋日日都買好多水返酒店，諗住一定冇死啦，點知……
旅程第二日我哋去咗間印度餐廳食飯，男朋友都有自己帶水，但喺我就嗌咗杯凍飲，咁就奶嘢啦！估唔到啲冰都會出事，就係因為呢杯凍飲，我從此冇離開過酒店廁所。
唔單止肚屙，仲發燒，男朋友就落去藥店買藥我食，點知食完之後更加唔舒服，冇好轉仲暈低咗，男朋友即刻帶我去睇醫生，酒店都好幫得手，幫我哋call白車，最後就吊咗2日鹽水先好返。呢次應該喺我畢生最悲慘嘅旅遊經歷。
本身男朋友仲話去幾日之嘛，洗咩買旅遊保險，去咁多次都冇出過事。好好彩我今次買咗，仲買咗份貴啲保障全面啲嘅旅遊保險，全程住院，睇醫生，藥費等等嘅支出都可以喺保險入面claim返，最緊要保留返醫院嘅收據，醫生證明等等嘅文件，我就等咗2個禮拜就收到錢。
所以話，旅遊保險真喺要買定，除咗喺一份安心，亦都喺一份保障。經過呢次之後，男朋友都應承咗我以後一定會買旅遊保險！
