喜愛踩單車的你，又有無試過發生驚險意外？YAS 創辦人 Andy 同你一樣熱愛踩單車，不過佢最近都因為踩單車而發生意外，YAS 編輯與熱愛踩公路單車的 Andy 進行一次專訪，同時誠意邀請你分享踩單車的經驗！
Q：聽聞你早前發生一次意外，不如同我哋分享有幾驚險？
Andy：上星期日去踩嘉道里農場嘅時候，可能因為冇食早餐，突然唔夠氣踩上條長命斜路，跟住就暈低咗。好彩甩腳甩得快，即刻企埋一邊，但係唔夠幾十秒就開始休克暈倒，過咗幾分鐘之後，先發現自己架單車原來喺馬路中心！好彩對面有個阿伯突然大叫「飲水後生仔！」，我先至醒一醒。今次好彩冇事，不過如果有事除咗我架 Specialized 單車救唔番之外，我自己都可能甩唔切腳而受傷！
Q：YAS 即將會為一眾單車友推出保險 BYKE with YAS，點解當初會有呢個諗法？
好多人都話踩 roadbike 嘅人，總有一日會跌倒，其實跌先至係正常！所以每一次踩單車嘅時候，最擔心嘅都唔係自己跌倒，最怕嘅係家人擔心我出事。如果每一次出車之前，都可以有一個保障，你話幾好呢！所以就有呢個要設計為單車友而度身訂造的保險 RYDE with YAS，出車前先開始呢份保險，以後我去踩單車家人都唔使再擔驚受怕，我嘅愛車仲唔使怕因為意外而救唔番。
Q：雖然 BYKE 係由 YAS 設計，但你最想呢份保障保一眾單車友啲咩？
BYKE with YAS 嘅保障涵蓋範圍雖然仍然未有最終決定，但我心目中最希望就係保架單車，同埋就係保一眾單車友跌傷整親，尤其是膝頭哥以及頸，當然仲有扭親腳！
Q：最後，分享一下你最鍾意嘅香港路線吧！
雖然難度好高，但我自己最鍾意就係早前踩個條由科學園出發，一直踩到去嘉道里農場以及林村郊野公園，再由元朗踩去上水，再沿新浪潭繞到大美督，最後回到起點科學園，全長 70 公里，踩足約 3 個半鐘，極具挑戰性！當中大部分時間都要踩公路，但可以一次過遊勻成個新界，非常特別。
睇完 Andy 分享佢嘅 roadbike 經驗以及對 BYKE with YAS 睇法，熱愛踩單車嘅你會想單車友保險 BYKE with YAS 有咩保障？即刻加入成為 YAS Biker 一份子，共創一份專屬單車友嘅保險！
